02. tbl. 101. árg. 2015
Umræða og fréttir
Sagan í 100 ár
Í tilefni af 100 ára afmæli Læknablaðsins gerðu ritstjórn, starfsfólk og útgáfustjórn sér glaðan dag og snæddu saman á veitingastaðnum Dilli, Hverfisgötu 12. Þar voru allir réttir hver öðrum ævintýralegri og betri, og hefðum við viljað veita staðnum Michelin-stjörnur tvær ef við hefðum ekki gleymt þeim heima. Dill er í svonefndu bíslagi við hús Guðmundar Hannessonar á horni Hverfisgötu og Ingólfsstrætis, og þar hafði Hannes sonur Guðmundar lækningastofu sína framan af. Guðjón Friðriksson sagnfræðingur rakti sögu Guðmundar og húss hans fyrir viðstöddum og kom þar margt skemmtilegt á daginn í sögu þjóðar og læknisfræði og pólitíkur eins og gengur.