Umræða og fréttir

Tjaldmorgunn á Suðurlandi

 

      Þú stígur upp úr svefninum

      rennir sundur tjaldinu

      milli dags og nætur

 

      Teygir nekt þína

      móti Skálholtsbirtunni

 

      Hleypir nóttinni út

      yfir morgunblaut engin

 

      Veist að hún skildi

      litla stjörnu eftir

      á festingu slímhúðar

 

     Leg er hjarta um

      hjarta, sláttur þeirra

      lofsöngur til lífsins núna

       og næsta

 

     Við fyrsta grát að vori

     hlaupa hvítar ár

      úr mjólkurþungum brjóstum

 

Ari Jóhannesson