Umræða og fréttir

- aldarminning Jóns Steffensen prófessors 1905-2005

Um miðjan febrúar síðastliðinn var hald­ið tveggja daga málþing í Þjóðar­bók­hlöð­unni í minningu Jóns Steffensen og endurspeglaði það afar fjölbreytt og víðfeðm viðfangsefni og áhugamál hans. Jafnframt var opnuð í anddyri safnsins sýning til heiðurs Jóni og konu hans, Kristínu Björnsdóttur. Myndir, bréf, bæk­ur og ýmsir munir úr eigu hjónanna prýða sýninguna, skrifborð hans og útsaumaður stóll, koffort og ýmis mælingatæki. Jafn­framt lánaði Þjóðminjasafn gripi til Bókhlöðunnar sem tengjast mann­fræði­rann­sóknum Steffensens. Sýningin stendur til 10. apríl og er öllum opin.

Menning og meinsemdir: rýnt í bein, farsóttir, læknisfræði og lýðsögu Ís­lend­inga hét málþingið. Fyrri dag þingsins rakti Hrafnkell Helgason ævi og störf Jóns, formaður LÍ ræddi meðal annars gjöf Jóns til félagsins og Andy Cliff, gestafyrirlesari í landafræði í Cambridge, benti meðal annars á nýjar skilgreiningar samtíðarinnar á fjarlægðum og tíma sem kölluðu á ný landa­kort vitundarinnar í það minnsta.

Á laugardegi var messað allan daginn, læknar, sagnfræðingar, fréttamaður, bók­menntafræðingur, fornleifafræðingur, mannfræðingur og tannlæknar - allir höfðu einhvern snertiflöt við Steffensen, þenn­an feiknalega risa í fræðunum sem hefur greinilega þegar í lifanda lífi gnæft yfir samtímamenn sína í einurð og festu vís­indamannsins og í fjölbreytileika rann­­­­sókn­ar­efna sinna sem er nær því af ný­­róm­­an­tískum ofmenna-toga.

Að undirbúningi þessa merkilega þings unnu Kristín Bragadóttir, Örn Bjarnason, Gísli Pálsson, Agnar Helgason, Jökull Sævarsson, Emilía Sigmarsdóttir og Sig­urður Örn Guðbjartsson. VS

Hrafnkell Helgason lungnalæknir rakti ævi­feril Jóns og minntist með nokkrum hryllingi Gray's Anatomy sem liggur opin á skrifborði Jóns hér að neðan til vinstri.

Jón Karl Helgason bókmenntafræðingur ræddi um bein Jóns Arasonar biskups og brá meðal annars upp mynd af rússneskri stúlku að virða fyrir sér typpið af Raspútín á safni í Moskvu.