Velkomin
Kæru þinggestir og samstarfsfólk
Velkomin á sameiginlegt vísindaþing skurðlækna, svæfinga- og gjörgæslulækna, fæðinga- og kvensjúkdómalækna og hjúkrunarfræðinga í sömu greinum sem haldið er 31. mars og 1. apríl í Hörpu.
Í ár, sem er það 19. í röðinni, koma fleiri að vísindaþinginu þar sem fagdeildir hjúkrunarfræðinga sem og fagráð hjúkrunarfræðinga á skurðdeild LSH taka fullan þátt í þinginu. Þetta kemur glögglega fram í dagskrá þingsins sem fer að þessu sinni fram í fleiri fyrirlestrasölum en áður og hafa þátttakendur þingsins því um margt að velja til að hlýða á.
Vísindaþing af þessu tagi er ekki hægt að halda án stuðnings fyrirtækja í heilbrigðisgeiranum og er sýningin einstaklega glæsileg og um leið og við þökkum þeim fyrir stuðninginn viljum við hvetja þinggesti til að kynna sér þær vörur og tæki sem eru til sýnis.
Vísindaþing af þessu tagi hefur margvíslegan tilgang. Það er uppskeruhátíð og tækifæri til faglegra samskipta en ekki síður félagslegur vettvangur til að efla samstöðu í hóp sem þessum. Sameiginleg dagskrá í upphafi þings er að þessu sinni tileinkuð flýtibata og undirbúningi sjúklinga fyrir aðgerðir, nokkuð sem hefur rutt sér til rúms í umfangsminni aðgerðum, en hefur nú einnig verið aðlagað stærri aðgerðum sem er viðfangsefni umræðunnar að þessu sinni. Kynningar á ágripum og önnur dagskrá tekur svo við en
í lok dags verða aðalfundir félaganna haldnir. Þann 1. apríl verður svo fjölbreytt dagskrá félaganna en þar á eftir verður Dr. Hafrún Kristjánsdóttir sálfræðingur með fyrirlestur um liðsheild en formlegri dagskrá lýkur með erindum, völdum af sérstakri dómnefnd, sem keppa um besta erindi unglæknis eða læknanema.
Hátíðarkvöldverður haldinn á Kaffi Reykjavík verður svo lokahnykkurinn þar sem þinggestum gefst tækifæri til að taka þátt, gera vel við sig í mat og drykk og enda kvöldið á dansgólfinu!
Húsið opnar kl. 19 og boðið verður upp á fordrykk.
Kæru þinggestir, við bjóðum ykkur velkomin á þingið og vonum að þið eigið góða og gagnlega daga í Hörpu
Fyrir hönd undirbúningsnefndar
Kristín Huld Haraldsdóttir
formaður SKÍ
STJÓRN SKURÐLÆKNAFÉLAGS ÍSLANDS
Kristín Huld Haraldsdóttir, formaður
Sigurður Guðjónsson, varaformaður
Helgi Kjartan Sigurðsson, gjaldkeri
Geir Tryggvason, ritari
Hjörtur Friðrik Hjartarson, meðstjórnandi
STJÓRN SVÆFINGA- OG GJÖRGÆSLULÆKNAFÉLAGS ÍSLANDS
Kári Hreinsson, formaður
Sigurbjörg Skarphéðinsdóttir, ritari
Ívar Gunnarsson, gjaldkeri
Sveinn Geir Einarsson, meðstjórnandi
STJÓRN FÉLAGS ÍSLENSKRA FÆÐINGA- OG KVENSJÚKDÓMALÆKNA
Alexander K. Smárason, formaður
Ragnhildur Magnúsdóttir, ritari
Ragnheiður Baldursdóttir, gjaldkeri
Jóhannes Heimir Jónsson, meðstjórnandi
Eva Guðjónsdóttir, fulltrúi sérnámslækna
FULLTRÚAR FÍFK Í RÁÐSTEFNUNEFND
Jóhannes Heimir Jónsson
Þóra Steingrímsdóttir
STJÓRN FAGDEILDAR GJÖRGÆSLUHJÚKRUNARFRÆÐINGA
Anna Vilbergsdóttir, formaður
Þorbjörg Sigurðardóttir, varaformaður
Kristín Katla Swan, ritari
Regína Böðvarsdóttir, gjaldkeri
Auður Sesselja Gylfadóttir, meðstjórnandi og alþjóðafulltrúi
FULLTRÚAR FAGDEILDAR SVÆFINGARHJÚKRUNARFRÆÐINGA Í RÁÐSTEFNUNEFND
Lára Borg Ásmundsdóttir
Hrafnhildur B. Brynjarsdóttir
FRÆÐSLUNEFND FAGDEILD GJÖRGÆSLUHJÚKRUNARFRÆÐINGA
Sigríður Árna Gísladóttir
Andrea Kristjánsdóttir
Maria Hrönn Björgvinsdóttir
FAGRÁÐ HJÚKRUNAR Á SKURÐLÆKNINGASVIÐI
Herdís Sveinsdóttir
Katrín Blöndal
Brynja Ingadóttir
Sigríður Zoëga
FULLTRÚAR FAGDEILDAR SKURÐHJÚKRUNAR Í FÉLAGI ÍSLENSKRA HJÚKRUNARFRÆÐINGA
Helga Guðrún Hallgrímsdóttir
Anna Valsdóttir
Þorbjörg Ása Kristinsdóttir
Sigríður Guðjónsdóttir