Ávarp

Velkomin á þingið

Ágætu kollegar og aðrir þinggestir!

Velkomin á 15. sameiginlega vísindaþing Skurðlæknafélags Íslands (SKÍ) og Svæfinga- og gjörgæslulæknafélags Íslands (SGLÍ).

Þingið er haldið á sama stað og í fyrra enda teljum við Hörpu og umgjörð hennar henta því vel. Er það von okkar að þingið í ár verði jafn vel sótt og síðustu ár. Dagskráin verður með hefðbundnu sniði og hefst með ávarpi forseta læknadeildar Háskóla Íslands, Guðmundar Þorgeirssonar. Þar á eftir verður málþing um undirbúning aðgerða, hvort bæta megi meðferð sjúklinga með aukinni sérhæfingu og fækkun á meðferðarstöðum. Nokkrir erlendir fyrirlesarar koma á þingið og munu þeir taka þátt í áhugaverðum málþingum meðal annars um gjörgæslumeðferð framtíðar, briskrabbamein, stunguáverka og læknisfræði í þriðja heiminum. Hádegisfyrirlestrar verða með hefðbundnu sniði báða dagana.

Kynning vísindaerinda og veggspjalda er að venju mikilvægur hluti þingsins. Markmiðið er að tefla fram ungum læknum og læknanemum sem hafa lagt stund á rannsóknir og gefa þeim tækifæri að kynna niðurstöður sínar. Í ár bárust tæplega 50 erindi sem ber vitni um grósku í vísindastörfum sérgreina okkar. Á laugardeginum keppa síðan 6 unglæknar og læknanemar um verðlaun fyrir besta vísindaerindið sem er einn af hápunktum þingsins.

Vísindaþing af þessari stærðargráðu verður ekki haldið án stuðnings fyrirtækja í heilbrigðisrekstri og þjónustu. Í ár hafa fleiri fyrirtæki styrkt þingið en nokkurn tíma áður. Kunnum við þessum fyrirtækjum bestu þakkir fyrir. 

Um leið og við bjóðum þig velkominn á þingið vonum við að þingið verði ánægjulegt.

Stjórn Skurðlæknafélags Íslands                              Stjórn Svæfinga- og gjörgæslulæknafélags Íslands

Helgi Kjartan Sigurðsson, formaður                      Kári Hreinsson, formaður

Kristín Huld Haraldsdóttir, varaformaður            Sigurbjörg Skarphéðinsdóttir, ritari

Kristján Skúli Ásgeirsson, gjaldkeri                         Ívar Gunnarsson, gjaldkeri

Tómas Guðbjartsson, ritari                                        Guðmundur Klemenzson, meðstjórnandi

Gunnar Auðólfsson, meðstjórnandi

Umsjón með undirbúningi og framkvæmd

Athygli ráðstefnur, www.athygliradstefnur.is, birna@athygliradstefnur.is og thorunn@athygliradstefnur.is.