Var Grettir ofvirkur með athyglisbrest?

Á vefsvæði einu þar sem hagyrðingar landsins skemmta sér við að kveðast á birtist ekki alls fyrir löngu athyglisverð kenning um ástæðuna fyrir ógæfu Grettis Ásmundssonar. Höfundur limrunnar er góðkunnur hagyrðingur úr læknastétt, Hjálmar Freysteinsson heilsugæslulæknir á Akureyri.

Limran er svohljóðandi:



Ungur var Grettir með gort

við glímur og hverskonar sport.

Hann var ólmhuga og ör,

hann var útlægur gjör.

Það var allt fyrir rítalínskort.