Umræða fréttir
Lyfseðlar fyrir lyf án markaðsleyfis (Undanþágueyðublöð)
Ný lyfseðilseyðublöð fyrir lyf án markaðsleyfis tóku gildi með reglugerð nr. 111/2001 um gerð lyfseðla og ávísun lyfja, þann 1. apríl síðastliðinn. Vegna tafa í prentun voru þessi nýju eyðublöð ekki til hjá Lyfjastofnun fyrr en í byrjun júní. Lyfjastofnun hefur því ákveðið að taka við eldri gerðum eyðublaða til 1. janúar 2002. Ef sækja á um greiðsluþátttöku Tryggingastofnunar ríkisins í óskráðum lyfjum er þó eingöngu hægt að nota nýju eyðublöðin.
Lyfjastofnun hefur einnig ákveðið að frá og með 1. nóvember næstkomandi verði eyðublöðin eingöngu seld læknum, læknastofum og sjúkrahúsum í samræmi við reglur sem gilda um sölu á öðrum lyfseðilseyðublöðum. Þeim tilmælum hefur verið beint til apóteka að þau verði læknum innan handar og veiti þeim upplýsingar varðandi óskráð lyf (ATC-flokkur, innflytjandi, framleiðandi og fleira). Vel útfyllt eyðublöð auðvelda umfjöllun Lyfjastofnunar um umsóknina og lokafrágang hennar.
Fréttatilkynning frá Lyfjastofnun
Lyfjastofnun hefur einnig ákveðið að frá og með 1. nóvember næstkomandi verði eyðublöðin eingöngu seld læknum, læknastofum og sjúkrahúsum í samræmi við reglur sem gilda um sölu á öðrum lyfseðilseyðublöðum. Þeim tilmælum hefur verið beint til apóteka að þau verði læknum innan handar og veiti þeim upplýsingar varðandi óskráð lyf (ATC-flokkur, innflytjandi, framleiðandi og fleira). Vel útfyllt eyðublöð auðvelda umfjöllun Lyfjastofnunar um umsóknina og lokafrágang hennar.
Fréttatilkynning frá Lyfjastofnun