Umræða og fréttir

                                                    
                                                         Hildur Þóra Ólafsdóttir og Jón Ágúst Stefánsson.

                                         
                                                                    Þórður Þórkelsson barnalæknir.

Læknafélag Íslands fagnar 100 ára afmæli sínu á hverjum degi allt þetta ár, og það er af nógum efniviði af taka, bæði faglegum, félagslegum og listrænum! Í mars var haldið upp á að margir læknar hafa yndi og unun af tónlist og iðka hana stíft. Föstudagskvöldið 16. mars varð fyrir valinu til hylla tónlistargyðjuna, og stóri salurinn í Læknafélaginu í Hlíðasmára sem hefur nú fengið andlitslyftingu reyndist prýðilegur til tónlistarflutnings.

                                        
                                        Brjánn Á. Bjarnason barnageðlæknir, Ari Agnarsson músikant og
                                        Konstantín Shcherbak öldrunarlæknir.
                                        Myndir: Margrét Aðalsteinsdóttir.

                                           
                                            Viðar Eðvarðsson barnalæknir, Stefán Yngvason endurhæfingarlæknir,
                                            Sólveig Jóhannsdóttir framkvæmdastjóri LÍ og Magnús Baldvinsson
                                            röntgenlæknir.

                                             
                                              Hljómsveitin Strengir gegn öldrun, en hana skipa frá vinstri: Helga
                                              Eyjólfsdóttir öldrunarlæknir, Konstantín Shcherbak öldrunarlæknir,
                                              María Björk Steinarsdóttir líffræðingur, Jóna Þórsdóttir músíkmeðferðarfræðingur,
                                              Guðlaug Þórsdóttir öldrunarlæknir, Steinunn Kristín Jónsdóttir félagsráðgjafi
                                              og Steinunn Þórðardóttir öldrunarlæknir.

Michael Clausen sá um að setja saman dagskrána og Sunna Snædal var kynnir kvöldsins. Ellefu hljómsveitir/flytjendur stigu á stokk og trylltu áheyrendur sem skipuðu hvert sæti í salnum og tóku þessum viðburði fagnandi. Ekki verður annað séð en að innan raða lækna og læknanema séu fjölmargir kraftar sem eiga fullt erindi fram á listasviðið. En þeir sem heima sátu þetta umrædda kvöld geta séð hér á youtube brot af skemmtuninni:  https://www.youtube.com/watch?v=YUPI_gKTDcQ

                                                       

                                         
                                             Bolli Þórsson og Ingólfur Kristjánsson, þeir eru í sveitinni Mínir menn.

                                          
                                           Mannaveiðar: Þórdís Björt Sigþórsdóttir, Sólveig Halldórsdóttir og Edda
                                           Pálsdóttir unglæknar.

                                           
                                                   Hér er Ragnar Danielsen ásamt Sigurgeiri Sigmundssyni.