Um útgáfu fylgirita

Fylgirit með Læknablaðinu

Læknablaðið annast frágang og útgáfu fylgirita sem geyma ágripa erinda og veggspjalda, bæði á íslensku og ensku. 

Samþykki ritstjórn slíka birtingu skulu aðilar máls gera samning um útgáfuna í tveimur samhljóða eintökum, þar sem fram koma skilmálar fyrir útgáfunni

• umfang – fjöldi ágripa
• dagsetningar á skilum á efni og útgáfu
• innihald
• netútgáfa
• þóknun til blaðsins

Læknablaðið gerir það að kröfu sinni að vísindanefnd viðkomandi þings lesi vel yfir og samþykki ágrip sem birt eru. Nefndin ber efnislega ábyrgð á innihaldi þeirra og við ágrip séu tilgreindir allir höfundar þess og þeir hafi allir vitneskju um birtingu efnisins í fylgiritinu.
Höfundaskrá fylgi efninu ásamt greinargóðri dagskrá þingsins.
Upplýsingar skulu birtar um vísindanefnd þingsins.

Læknablaðið gerir sömu kröfur um frágang efnis í fylgiriti og í blaðið, vandað sé til orðfæris og efnistaka í ágripum, skrifað á góðri íslensku og að lyfjaheiti sé rituð með íslenskum rithætti, erlend hugtök skýrð og allar skammstafanir útskýrðar og reynt að stilla þeim í hóf. Blaðið tekur við efninu í wordskjali, án stílsniða en með feitletrun og skáletrun og öllum táknum sem til þarf. Ekki má nota Endnote-forritið eða önnur forrit sem tengja efni beint út á netið.

Lengd ágripa miðast við 250 orð og viðtekna efnisgrind þeirra:

• tilgangur
• efniviður/aðferðir
• niðurstöður
• ályktun

Við ágrip sé auk númers þess í röð ágripanna:

• titill (hámark 20 orð)
• upptalning allra höfunda
• starfsstöð þeirra

Auðkennt sé (feitletrað) hver kynnir ágripið á þinginu og jafnframt birt netfang viðkomandi. Myndefni/töflur mega birtast við niðurlag ágrips ef með þarf.

Allt efni fylgirits er sett á heimasíðu blaðsins og varðveitt þar. Mun það vera þar aðgengilegt til leitar og útprentunar.

Greiðsla fyrir fylgirit tekur mið af:

• Varðveislu ritsins á síðu blaðsins - 70%
• Vinnulaun til blaðsins - 30%

Við heildarkostnað bætist 11% virðisaukaskattur.