Ljóð úr Dagsláttu, nýrrri bók Ara Jóhannessonar lyflæknis

Þú stígur upp úr svefninum

rennir sundur tjaldinu

milli dags og nætur

Teygir nekt þína

móti Skálholtsbirtunni

Hleypir nóttinni út

yfir morgunblaut engin

Veist að hún skildi

litla stjörnu eftir

á festingu slímhúðar

Leg er hjarta um

hjarta, sláttur þeirra

lofsöngur til lífsins núna

og næsta

Við fyrsta grát að vori

hlaupa hvítar ár

úr mjólkurþungum brjóstum

Ari Jóhannesson