Læknablaðið sækir fram á netinu

Nú er rétt ár frá því Læknablaðið leysti landfestar og fór að reyna fyrir sér á netinu jafnhliða prentútgáfunni. Einsog að var stefnt eru öll tölublöð árganganna 2000, 2001 og 2002 komin á sinn stað þar sem og Fylgirit þessara árganga. Því miður eru fyrri árgangar blaðsins ekki tiltækir á rafrænan hátt. Öflug leitarvél er á vefnum og svarar á augabragði þegar leitað er eftir einstökum efnisorðum eða höfundum.

Það tekur allajafna skemmri tíma að leggja efni blaðsins út á netið en að renna því í gegnum prentvélarnar og því er netútgáfan yfirleitt klár 2-3 dögum fyrr á netinu en áskrifendur fá blaðið inn um póstlúguna.

Eðli netmiðla er slíkt að ýmsum mælitækjum má bregða upp til að leggja kvarða á miðilinn. Meginniðurstaðan er sú að oftast er komið inn á vefinn frá Íslandi, flestir af neti Landspítalans, og heldur meira er um heimsóknir á virkum degi í fyrri hluta mánaðar. Mest er skoðað af nýjasta efni vefsins, hvort heldur er Fylgirit eða hefðbundið tölublað. Meginumferðarþunginn er á vinnutíma; milli níu og fimm, en heimsóknir eru þó drjúgar á kvöldin.

Heimsóknir á vef blaðsins

2002

Maí 333

Júní 291

Júlí 426

Ágúst 488

September 673

Október 767

Nóvember 954

Desember 847



2003

Janúar 2069

Febrúar 1715

Mars 1755