Lausar stöður

Reykjavík - Almennur læknir - Heilsugæslan Grafarvogi

Almennur læknir við Heilsugæsluna Grafarvogi
 
Laust er til umsóknar 100% starf almenns læknis við Heilsugæsluna Grafarvogi frá 1.október n.k. eða eftir nánara samkomulagi. Umsóknarfrestur er til og með 22. september 2017.

Á heilsugæslustöðinni eru starfandi sérfræðingar í heimilislækningum ásamt sálfræðingi, félagsráðgjafa, hjúkrunarfræðingum, ljósmæðrum, riturum og aðstoðarmönnum. Hafin er innleiðing heildstæðrar teymisvinnu í sjúklingamóttöku sem byggir á náinni samvinnu fagstétta þar sem samfelld, persónuleg þjónusta við skjólstæðinga er höfð að leiðarljósi. Um er að ræða spennandi vettvang fyrir lækni sem áhuga hefur á nýsköpun og framþróun í heilsugæslu.

Heilsugæslan Grafarvogi veitir alla almenna heilsugæsluþjónustu. Nánari upplýsingar um starfsemi stöðvarinnar má finna á vef Heilsugæslunnar (www.heilsugaeslan.is). 

Helstu verkefni og ábyrgð
Starfsvið læknis felst m.a. í almennum lækningum, heilsuvernd og vaktþjónustu ásamt þátttöku í teymisvinnu samstarfsfólks. Viðkomandi býðst einnig að taka þátt í faglegri þróun og mótun verklags. Mikil áhersla er lögð á starfsþjálfun í heimilislækningum á heilsugæslunni Grafarvogi og metnaður lagður í reglulega fræðslu. 

Hæfnikröfur
Þess er krafist að umsækjendur hafi almennt lækningaleyfi, að þeir búi yfir góðri skipulagshæfni, séu sjálfstæðir í starfi og viðhafi öguð vinnubrögð. Framúrskarandi hæfni í mannlegum samskiptum er skilyrði og reynsla af teymisvinnu er kostur.

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Læknafélag Íslands hafa gert.
Stéttarfélag er Læknafélag Íslands.

Umsókn skal fylgja ítarleg náms- og starfsferilskrá og kynningarbréf þar sem gerð er grein fyrir ástæðu umsóknar. Leggja skal fram staðfestar upplýsingar um menntun, fyrri störf og reynslu. Gögn sem ekki er hægt að senda rafrænt skulu berast Svövu Þorkelsdóttur, mannauðsstjóra Heilsugæslu höfuðborgarsvæðisins, Álfabakka 16, 109 Reykjavík. 

Viðtöl verða höfð við umsækjendur og byggist ákvörðun um ráðningu í starfið á þeim og innsendum gögnum.

Tekið er mið af jafnréttisstefnu Heilsugæslu höfuðborgarsvæðisins við ráðningu í starfið. Öllum umsóknum verður svarað þegar ákvörðun um ráðningu liggur fyrir. Umsókn getur gilt í 6 mánuði.

Starfshlutfall er 100%
Umsóknarfrestur er til og með 22.09.2017

Nánari upplýsingar veitir
Svava Kristín Þorkelsdóttir - svava.kristin.thorkelsdottir@heilsugaeslan.is - 585-1300

HH Grafarvogi lækningar
Spönginni 35
112 Reykjavík

Smelltu hér til að sækja um starfið







Þetta vefsvæði byggir á Eplica