Umræða og fréttir
Lagabreytingar á árshátíð LR
Læknablaðið fékk góðfúslegt leyfi þeirra norðanmanna Sigurðar Albertssonar og Haralds Haukssonar skurðlækna á Akureyri til þess að birta aðeins örlítið brot af gamanmálum sem þeir fluttu gestum á árshátíð LR 24. janúar sl. Þeir kynntu atriði sitt sem "lagabreytingar" og fengu þar með fullkomna þögn og athygli viðstaddra. Síðan hófst flutningur á talsvert breyttum og bráðskemmtilegum "lögum" og var þeim afar vel fagnað. Ekki þarf að fara hér í neinar grafgötur með uppruna og höfundarrétt, það er allt uppi á (skurðar-)borðinu einsog það hljómar á góðri íslensku, og tíðni og meðalgildi tilvitnana í góðu samræmi við ákvæði í lögum og reglum þar um. - VS.
Áfram krossbönd krossbönd
(Lag: Áfram Kristsmenn krossmenn)
Áfram krossbönd krossbönd
krossbönd skerum vér.
Fram í stríðið stefnir
sterkur læknaher.
Látum eigi liðunum
líða ver og ver.
Förum geyst og fyllum kvótann
fyrir september.
Áfram krossbönd krossbönd
krossbönd skerum vér.
Fram í stríðið stefnir
sterkur læknaher.
Læknar skipta létt um augasteina
(Lag: Litla flugan)
Læknar skipta létt um augasteina.
Líka skera burtu krabbamein.
Létt þeir setja liði milli beina.
Lipur hver og einn í sinni grein.
Ef þig sjúkan bölið er að buga
þá bara hringdu í fyrirtækið mitt
og þó ég ei til annars mætti duga
ég eflaust gæti læknað meinið þitt.
Konan í kring
(Lag: Konan sem kyndir ofninn minn)
Ég finn það gegnum svefninn
að einhver læðist inn
með andlitsmaskann sinn
og veit að það er hnátan sem hnýtir sloppinn minn.
Sem út með fatið fer
og fúlar tuskur ber
burt frá þér og mér.
Læðist út úr stofunni og lokar á eftir sér.
Ég veit að hún er syfjuð
en sefur aldrei neitt
þó sé hún dauðaþreytt,
hendur hennar blóðugar og hárið illa greitt.
Hún fer að engu óð.
Er öllum læknum góð
og vinnur verk sín hljóð.
Ef biður hana svæfingin, hún sækir meira blóð.
Ég veit að þessi kona
er vinafá og snauð
og væri ekki brauð
á borðinu á föstudögum, væri hún löngu dauð.
En oftast er það sá
sem allir kvelja og smá
sem mesta mildi á.
Fáir nota hanskana sem fyrstir sækja þá.
Áfram krossbönd krossbönd
(Lag: Áfram Kristsmenn krossmenn)Áfram krossbönd krossbönd
krossbönd skerum vér.
Fram í stríðið stefnir
sterkur læknaher.
Látum eigi liðunum
líða ver og ver.
Förum geyst og fyllum kvótann
fyrir september.
Áfram krossbönd krossbönd
krossbönd skerum vér.
Fram í stríðið stefnir
sterkur læknaher.
Læknar skipta létt um augasteina
(Lag: Litla flugan)Læknar skipta létt um augasteina.
Líka skera burtu krabbamein.
Létt þeir setja liði milli beina.
Lipur hver og einn í sinni grein.
Ef þig sjúkan bölið er að buga
þá bara hringdu í fyrirtækið mitt
og þó ég ei til annars mætti duga
ég eflaust gæti læknað meinið þitt.
Konan í kring
(Lag: Konan sem kyndir ofninn minn)Ég finn það gegnum svefninn
að einhver læðist inn
með andlitsmaskann sinn
og veit að það er hnátan sem hnýtir sloppinn minn.
Sem út með fatið fer
og fúlar tuskur ber
burt frá þér og mér.
Læðist út úr stofunni og lokar á eftir sér.
Ég veit að hún er syfjuð
en sefur aldrei neitt
þó sé hún dauðaþreytt,
hendur hennar blóðugar og hárið illa greitt.
Hún fer að engu óð.
Er öllum læknum góð
og vinnur verk sín hljóð.
Ef biður hana svæfingin, hún sækir meira blóð.
Ég veit að þessi kona
er vinafá og snauð
og væri ekki brauð
á borðinu á föstudögum, væri hún löngu dauð.
En oftast er það sá
sem allir kvelja og smá
sem mesta mildi á.
Fáir nota hanskana sem fyrstir sækja þá.